Shqiptari Kapet Me 50 Mijë Euro Të Padeklaruara Në Kufi, Ja Çfarë Ndodhi Pastaj


Ne Kakavijë Vijojnë kontrollet për parandalimin, evidentimin dhe go ditjen e paligjshmërisë. Ky eshte një rast i mosdeklarimit të të hollave në kufi, ku jane sekuestruar 50.000 euro dhe procedohet penalisht poseduesi i kësaj shume.

Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në analizën e riskut, në dalje të RSH-së, kanë kaluar për kontroll në vijën e dytë, mjetin tip “Toyota” që drejtohej nga shtetasi I. Sh., 41 vjeç, banues në Fier.

Gjatë kontrollit të ushtruar në automjet, shërbimet e Policisë Kufitare, në bashkëpunim me shërbimet doganore, gjetën të fshehura në valixhen e shtetasit I. Sh., 50.000 euro, të cilat ky shtetas nuk i kishte deklaruar. Shuma e parave u sekuestrua në cilësinë e provës materiale.

Në përfundim të veprimeve të para të kryera nga specialistët e Seksionit të Hetimit të Krimit Ekonomik e Financiar në DVP Gjirokastër, shtetasi I. Sh. u procedua penalisht për veprat penale “Mosdeklarimi i të hollave dhe sendeve me vlerë në kufi”. Lajmi ngaTop Channel