Një fakt që nuk e kemi ditur për Rita Orën


Të gjithë kemi një ndonjë fiksim, apo jo?Ne gjithashtu kemi hasur në të famshëm duke pasur obsesione të çuditshme me lloje të ndryshme të sendeve dhe sa më shumë të lexojmë për të, aq më shumë natyra njerëzore na magjeps. Duke folur për fiksimet, a e dini se Rita Ora është një fanse e madhe e atleteve dhe është e dashuruar në to?

Këngëtarja që kohët e fundit mbushi 29 vjet, adhuron atletet dhe në shtëpinë e saj ka më se 150 palë sosh.Në moshën 15 vjeçare ajo punonte në një dyqan atletesh. Duke folur për obsesionin e saj me Footwear News, Rita tha se do të shpenzonte të gjitha paratë e saj për të blerë atlete. “Unë kam një garazh plot me atlete që kam mbledhur gjatë 10 viteve të fundit – që mbërrijnë deri në tavan. Çmendem pas atleteve. Kjo është arsyeja pse kam punuar në dyqanin e atleteve Size, në mënyrë që të mund t’i shpenzoja të gjitha paratë e mia për të blerë atlete.”

Përndryshe Rita Ora po mban premtimin e saj për të ndihmuar të prekurit e tërmetit në Shqipëri.Rita Ora, ka nisur ndërtimin e shtëpisë për familjen Sala në fshatin Pinar pas tërmetit shkatërrues I cili la të vdekur 51 persona dhe qindra të plagosur.Lajmin e ka bërë të ditur Erion Veliaj përmes një videoje dhe një përshkrimi në rrjetet sociale.

“@RitaOra e mbajti fjalën menjëherë. Faleminderit goce!❤🇦🇱🇽🇰🇬🇧Pas tërmetit, nisi rindërtimi i shtëpisë së Familjes Sala në fshatin Pinar, falë kontributit të vajzës tonë @ritaora. 🏠🙏🏻Ftoj të gjithë komunitetin e biznesit dhe personazheve të njohur të jetës publike, të cilët kanë mundësi financiare, që të ndihmojnë në kapërcimin e kësaj situate në kohë record”, ka shkruar Veliaj.Përveç Ritës, Dua Lipa dhe Bebe Rexha kanë shprehur gatishmërinë për të ndihmuar popullin shqiptar pas kësaj tragjedie.